Памочнік прэзідэнта Беларусі па нацыянальнай бяспецы Віктар Лукашэнка будзе выконваць абавязкі першага віцэ-прэзідэнта Нацыянальнага алімпійскага камітэта замест Андрэя Асташэвіча, які склаў паўнамоцтвы. Адпаведнае рашэнне прынята сёння на пасяджэнні Выканкама НАК, паведамляе БелТА
Кандыдатура Віктара Лукашэнкі была прапанаваная ў ходзе пасяджэння выканкама і аднагалосна падтрымана. Ён будзе сумяшчаць дадзеную дзейнасць са сваёй працай на пасадзе памочніка прэзідэнта.
У далейшым на Алімпійскім сходзе пасля завяршэння ў Беларусі буйных міжнародных спартыўных мерапрыемстваў будзе вырашацца пытанне ў дачыненні да кандыдатуры на пасаду першага віцэ-прэзідэнта НАК.
У якасці в.а. за Віктарам Лукашэнкам у першую чаргу замацаваны пытанні міжнароднага супрацоўніцтва і падрыхтоўка да буйных спартыўных форумаў у Беларусі — II Еўрапейскіх гульняў і лёгкаатлетычнага матча Еўропа—ЗША, які пройдзе ў верасні. Займацца гэтай працай ён будзе ва ўзаемадзеянні з міністрам спорту і турызму, а таксама курыруючым спорт віцэ-прэм'ерам.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная6
Каментары