Другая трагедыя ў ЗША за суткі: у штаце Агаё невядомы застрэліў 9 чалавек
У час стральбы ў штаце Агаё загінулі 10 чалавек, у тым ліку нападнік. Раней у суботу мужчына з аўтаматам забіў 20 чалавек у гандлёвым цэнтры Тэхаса.
У горадзе Дэйтан, штат Агаё (ЗША), адбылася стральба. Паводле папярэдніх дадзеных, загінулі 10 чалавек, у тым ліку нападнік. Пра гэта паведамляюць WHIO-TV і Dayton Daily News.
Інцыдэнт адбыўся каля 02:00 па мясцовым часе (09:00 — Мінск).
Па дадзеных выдання Heavy, яшчэ 16 чалавек атрымалі раненні.
У суботу, 3 жніўня, у Эль-Паса (Тэхас) адбылася страляніна ў ГЦ Walmart, ахвярамі якой сталі не менш за 20 чалавек. Паліцыя затрымала падазраванага — гаворка ідзе пра 21-гадовага Патрыка Крузіуса.
Каментары