Грамадства1111

Рэктар МІУ Суша адказвае на абвінавачанні: Міністр Карпенка хоча забіць недзяржаўную адукацыю

Рэктар Мінскага інавацыйнага ўніверсітэта Мікалай Суша пракаментаваў «Нашай Ніве» прэтэнзіі, выказаныя кіраўніцтвам Міністэрства адукацыі.

Мікалай Суша. Фота Дзмітрыя Брушко, ТУТ.бай

Чытайце: Мінадукацыі назвала сапраўдныя прэтэнзіі да МІУ і вінаваціць рэктара Сушу ў прафанацыі

«Наша Ніва»: Што адкажаце на прэтэнзіі Мінадукацыі да дыстанцыйнай формы вучобы?

Мікалай Суша: Дыстанцыйная форма навучання не мае дачынення да акрэдытацыі, якую мы замовілі. Чаму? Усё гэта рэгулюецца пастановай Саўміна №820. Камісія сама адбірае студэнтаў, якіх хоча праверыць, праграму праверкі да яе пачатку даводзяць нам. І яны давялі, што хацелі — тое праверылі.

І тут ужо цягам праверкі яны даслалі загад начальніка Дэпартамента кантролю якасці ведаў Міхаіла Мірончыка аб тым, што трэба прадставіць яшчэ і студэнтаў дыстанцыйнай формы. Але гэта незаконна! Праверка ідзе пяць дзён, працягнулі яшчэ на чатыры, але я за гэты час не збяру такіх студэнтаў, бо нехта з іх за мяжой, нехта ў Расіі, нехта ў адпачынку і гэтак далей.

Зрэшты, мне нават не паказалі заключэнне сяброў камісіі! Усяго было 22 правяраючых, з іх сямёра перадалі мне свае заключэнні, у якіх напісана «акрэдытаваць», іншых мне не паказалі, хаця заўсёды паказваюць. Я лічу, што дэпартамент выканаў замову міністра. Паколькі яны не хочуць мне іх паказаць, я падаў апеляцыю. Прашу прадставіць заключэнні, на падставе якіх не працягнулі акрэдытацыю. 

«НН»: Што за гісторыя з адукацыяй у турмах? 

МС: Карпенка мне забараніў! Мне гэта было нявыгадна. Я ўзяўся за праект не для атрымання прыбытку, а каб удзельнічаць у сацыяльным праекце, які распрацоўвалі Еўрасаюз з МУС. Да мяне звярнуліся МУС і адукацыйныя структуры ЕС. Частку камп'ютараў куплялі яны, нешта я. 

«НН»: За гэтую адукацыю плацілі?

МС: Плацілі бацькі асуджаных. Але нам было нявыгадна: гэта трэба вазіць выкладчыкаў на камісіі. Аўтобусы, камандзіроўкі…

«НН»: Пачакайце. Чалавек вучыцца пяць год, за кожны плаціць па $600, а камісія прыязджае да яго адзін раз на выпускны экзамен. Дзе тут вашыя звышстраты? 

МС: Яны атрымлівалі адукацыйную паслугу — сам навучальны працэс. Дыстанцыйная адукацыя па затратнасці амаль як дзённае навучанне, яна нашмат больш затратная за завочную форму: там раз на семестр прыязджае чалавек на сесію і ўсё. Выкладчык не працуе. А тут выкладчык працуе шэсць дзён на тыдзень!

«НН»: Як ён працуе? 

МС: Анлайн! Заданне выдае! У кожнага студэнта ёсць свой лагін для ўваходу, даюць матэрыял, кансультацыі, практыкумы… Усё вычытваецца анлайн.

«НН»: Мы пагаварылі са студэнтамі, яны кажуць, што лекцыі падаюцца ў тэкставым варыянце. Можна падумаць, што капіююцца ад курса да курса. Тэксты праходзяць на камп'ютарах з дому. Пры гэтым увогуле ў інтэрнэце можна аплаціць паслугу, і ўсе тэсты пройдуць за цябе. Чаму вы за 8 год не закрылі сайт, які прапануе вучыцца за студэнтаў?

МС: Я адлічваю студэнтаў, калі яны нічога не робяць! А што за сайт? Не ведаю такога сайта, дачынення да яго не маю, упершыню чую…

Справа ў тым, што мы не кантролюем, хто там з іншага боку, мы прапануем веды, гэта наш прадукт! Мы бачым, калі ўваходзіў студэнт, што рабіў, колькі выкладчык з ім працаваў.

Так, на іншым канцы можа быць не студэнт, але мы выдаем якасны адукацыйны прадукт.

Што ён з ім робіць? Заплаціў грошы і нехта выконвае?

На здароўе, але дыплом ён не атрымае. Каб здаць выпускны дзяржаўны экзамен, ён у любым разе павінен прыехаць ва ўніверсітэт і здаць перад камісіяй. Калі няма ведаў, то не здасць. 

«НН»: Дык як тады ўсё ж засведчыць веды тых студэнтаў? 

МС: А мы самі правяраем! На камп'ютарах. Усё бачна: калі ён заходзіў, што здаваў, колькі часу правёў. 

«НН»: А што ў вас за эксклюзіўнае права аказваць такія паслугі, як кажуць, выдадзенае [былым міністрам Сяргеем] Маскевічам? 

МС: Ніякага эксклюзіўнага права няма. Справа ў тым, што Кодэкс аб адукацыі не забараняе такой формы адукацыі, але няма ніякага нарматыўнага акта, які б канкрэтызаваў што і як. Таму кожны ўніверсітэт карыстаецца сваім палажэннем, якое падпісвае чыноўнік. Нам — Маскевіч, БДУІРу намеснік міністра Богуш, напрыклад.

Але агулам, каб вы разумелі, гэта замова. І ўсе прыватныя ВНУ з такім рана ці позна сутыкнуцца — нас душаць! Міністэрства адукацыі ўзгадняе планы па наборы, і кожны год яны меншыя і меншыя: я прашу 1000 студэнтаў, мне ўзгадняюць 700, прашу 700 — даюць 300!

Мне вось 300 чалавек узгаднілі, набяру на аднаго больш — грубае парушэнне ліцэнзіі. А дакументы падаюць у тры разы больш! Камусьці з калег далі ўвогуле 54, нехта не набіраў сёлета.

Гэта мэтанакіраванае здушэнне прыватнай адукацыі.

Каментары11

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Усе навіны →
Усе навіны

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско49

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

Каля новай станцыі метро хочуць знесці прыватны сектар і двухпавярхоўкі. Мінчан клічуць на абмеркаванне5

У Мінску з'явіліся электрасамакаты «Яндэкс Go»

Удзельніцам «Міс Беларусь» дазволілі мець татуіроўкі і пірсінг4

больш чытаных навін
больш лайканых навін

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Галоўнае
Усе навіны →

Заўвага:

 

 

 

 

Закрыць Паведаміць