З'явіўся запіс з камеры відэаназірання: падазраваны нясе сумку з парэшткамі забітай жанчыны ВІДЭА
Менш за суткі спатрэбілася для высвятлення асобы падазраванага ў забойстве 37-гадовай мінчанкі, парэшткі канечнасцяў якой знайшлі ў Свіслачы 2 студзеня. Пра гэта ў размешчаным на сайце МУС відэакаментарыі паведаміў начальнік упраўлення крымінальнага вышуку ГУУС Мінгарвыканкама Сяргей Якубель, паведамляе БЕЛТА.
У апублікаваным на сайце відэа дэманструецца запіс з камеры відэаназірання, дзе мужчына нясе сумку, а таксама кадры размовы з затрыманым.
Як паведамлялася, днём 2 студзеня ў мінскую міліцыю звярнуліся супрацоўнікі камунальнай службы, якія распавялі, што дасталі са Свіслачы спартыўную сумку з парэшткамі канечнасцяў чалавека. Пазней у міліцыі праінфармавалі, што яны, як мяркуецца, належаць жанчыне.
Праваахоўнікі шукалі тых, хто раней мог бачыць знойдзеную ў Свіслачы сумку і прасілі патэлефанаваць у міліцыю ў выпадку, калі вядома пра факты знікнення жанчын або калі сваячка ці знаёмая беспадстаўна перастала выходзіць на сувязь, не з'явілася на працы.
Супрацоўнікі міліцыі 5 студзеня вызначылі асобу жанчыны. Цела 37-гадовай жанчыны было ў кватэры аднаго з дамоў на вуліцы Раманаўская Слабада ў Мінску.
Сёння ўначы супрацоўнікі ўпраўлення крымінальнага вышуку ГУУС Мінгарвыканкама пры сілавой падтрымцы байцоў спецпадраздзялення «Алмаз» затрымалі ў Віцебску 26-гадовага замежніка. Ён падазраецца ў забойстве жанчыны. Зараз з мужчынам праводзяцца следчыя дзеянні.
Са слоў затрыманага, ён жыў у Мінску ў 37-гадовай жанчыны. Паміж імі 28 снежня 2019 года адбыўся канфлікт, у выніку якога мужчына задушыў гаспадыню кватэры. Вядома, што раней фігурант да крымінальнай адказнасці не прыцягваўся.
Міліцыя вызначыла асобу жанчыны, парэшткі якой знайшлі ў Свіслачы ВІДЭА
«Чулі, як крычала: «Ратуйце! Забіваюць!» Што вядома пра жанчыну, чые парэшткі знайшлі ў Свіслачы
У забойстве 37-гадовай жанчыны, канцавіны якой знайшлі ў Свіслачы, вінавацяць замежніка
Цяпер чытаюць
Полк Каліноўскага паведаміў пра гібель трох байцоў6
Каментары