Бабарыка: Дзеянні сённяшняга дня носяць замоўны палітычны характар
Пра гэта патэнцыйны кандыдат у прэзідэнты Віктар Бабарыка заявіў на экстраннай прэс-канферэнцыі ў Мінску.
«Я б не рабіў ніякіх заяў, каб гэта не тычылася маіх сяброў. Уся мая дзейнасць, якая праходзіла на пасадзе кіраўніка Белгазпрамбанка цягам 20 гадоў, не выклікала заўваг з боку праваахоўных органаў. Мы праходзілі ўсе праверкі, у тым ліку Нацбанка. Апошняя — у студзені. Ні разу пытанняў не было.
Дзеянні сённяшняга дня носяць замоўны характар», — сказаў ён.
Ён заклікаў праваахоўныя органы трымацца законнасці.
«Я чакаў ціску на мяне, і была інфармацыя, што ўдар будзе па мне. Але тое, што адбылося, паказвае, што супраць мяне нічога няма. Я гатовы да гэтага», — кажа Бабарыка.
Віктар Бабарыка сказаў, што ніякіх карэктываў у выбарчую кампанію не будзе. «Мае калегі сказалі, што мы выйдзем яшчэ больш актыўна збіраць подпісы».
«Што будзе, калі мяне не зарэгіструюць?»
З нефармальных прычын адмовы не будзе, сказалі ўчора афіцыйныя лідары. «Значыць адмовы ў рэгістрацыі не будзе». Што да фармальных прычын: калі парушэнняў няма, то робіцца спроба прыбраць гэту асобу.
Калі гэта адбудзецца (нерэгістрацыя), то ўявіце сабе, гэта будзе як распісацца ў сваім бяссіллі. «Проста не выйсці на поле барацьбы — гэта будзе поўнае бяссілле. Нерэгістрацыя нашай групы будзе казаць пра тое, што рэйтынгі, якія друкуюцца ў СМІ, правільныя».
Бабарыка дадаў, што сабраў ужо больш за 300 тысяч подпісаў.
«Я гатовы да аб'яднання з усімі кандыдатамі, калі яны трымаюцца пэўнай праграмы».
Апытанка
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць21
Каментары