Суд Брэсцкага раёна 17 чэрвеня разгледзеў адміністрацыйную справу прэс-сакратара ініцыятыўнай групы прэтэндэнта ў кандыдаты ў прэзідэнты Святланы Ціханоўскай, блогера і актывіста руху па барацьбе з акумулятарным заводам Аляксандра Кабанава, паведамляе spring96.org.
15 чэрвеня Кабанава змясцілі ў ізалятар часовага ўтрымання Ленінскага РАУС Брэста. Пратакол адміністрацыйнага правапарушэння ў дачыненні да блогера быў складзены на падставе ч. 3 арт. 23.34 КаАП за тое, што ў яго відэароліку, размешчаным на канале «Народны рэпарцёр», ён заклікаў грамадзян «карміць галубоў».
«Я маю права крытыкаваць дзеянні ўлады, гэта мне гарантуе Канстытуцыя, і мне гэта вось усё ставяць у віну», — сказаў на судзе Кабанаў.
Суд прызнаў Кабанава вінаватым і пакараў арыштам тэрмінам на 15 сутак. Адлік пачаўся з дня затрымання — 15 чэрвеня.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары