Учора затрымалі вядомага сківічна-тваравага хірурга, які робіць унікальныя аперацыі. У яго чацвёра дзяцей ВІДЭА
11 кастрычніка ў Мінску затрымалі вядомага сківічна-тваравага хірурга Андрэя Любецкага — доктара, які робіць унікальныя аперацыі па пластыцы расколін цвёрдага і мяккага неба, расколін твару, які каля 19 гадоў прапрацаваў у дзіцячай бальніцы. Такіх спецыялістаў у Беларусі адзінкі. Дома яго чакае жонка і чацвёра малалетніх дзяцей, піша Tut.by.
Андрэй Любецкі амаль 19 гадоў прапрацаваў у аддзяленні сківічна-тваравай хірургіі 4-й дзіцячай клінічнай бальніцы. Такіх спецыялістаў, як ён, у нашай краіне адзінкі. Яго спецыялізацыя — пластыка расколін цвёрдага і мяккага неба, расколін твару. Цяпер Андрэй Любецкі працуе ў прыватнай стаматалагічнай клініцы сківічна-тваравым хірургам і імплантолагам.
Жонка Андрэя, Наталля Любецкая, распавядае, што мужа затрымалі 11 кастрычніка прыкладна ў 16:20 у раёне вуліцы Зыбіцкай.
— Ён ішоў недалёка ад моста, не ўцякаў, я нават бачыла відэа з яго затрыманнем — ён у чырвонай кепцы і з белым заплечнікам. На відэа бачна, што яго ўдарылі людзі ў зялёнай экіпіроўцы, ён упаў і знік з поля зроку. Потым у раёне 18:30 ён мне патэлефанаваў з Партызанскага РУУС, сказаў, каб не хвалявалася, і папрасіў патэлефанаваць на працу і папярэдзіць, што ён заўтра не выйдзе. Я паехала пад Партызанскі РУУС, узяла цёплыя рэчы, маленькі ручнік, паесці, лекі дома забылася, ён гіпертонік, але іх падвёз Андрэй Вітушка, дзіцячы рэаніматолаг. Я неяк трымалася да апошняга, калі шчыра, але расплакалася, калі з майго пакета сталі выкідваць рэчы, я папрасіла ўзяць хоць што-небудзь. У выніку яны ўзялі толькі цёплы швэдар, таблеткі не ўзялі, сказалі, што ўсё роўна іх павязуць у аўтазаку, і яны едуць у тым, што на іх надзета. Праўда, яшчэ ўзялі бутэрброд. Я гадзін шэсць-сем прастаяла пад РУУС, у раёне гадзіны ночы пад'ехалі аўтазакі і павезлі частку людзей у Жодзіна, яшчэ адну частку адвезлі на Акрэсціна.
Па словах Наталлі, цяпер муж у ізалятары ў Жодзіне чакае суда. Андрэй і Наталля — шматдзетныя бацькі. Яны выхоўваюць чацвярых дзяцей: старэйшай дачцэ дзесяць гадоў, двайняткам па шэсць гадоў і малодшай — чатыры гады.
-
Каго вышуквае міліцыя? Па 39% — палітычных і аліментшчыкаў. Рэшта — усе астатнія артыкулы ФОТАФАКТ
-
Ціханоўская пачала ўдзел у саміце Еўрапейскай палітычнай супольнасці з сустрэчы з Зяленскім
-
Беларусы начамі стаяць у чарзе, каб уладкавацца на склад Wildberries у «Вялікім камені» з заробкам ад 1500 рублёў
Цяпер чытаюць
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары