«Зрабілі трэпанацыю чэрапа, шанец выжыць — 1 з 1000». Што вядома пра стан Рамана Бандарэнкі на гэты момант
31-гадовы мінчук Раман Бандарэнка знаходзіцца ў вельмі цяжкім стане ў бальніцы. Яго затрымалі невядомыя ўвечары 11 лістапада на «Плошчы перамен»: зацягнулі ў бус, адвезлі ў РУУС, адкуль даставілі ў бальніцу ўжо ў непрытомным стане.
Бандарэнку зрабілі аперацыю, сёння ў бальніцы прайшоў кансіліум. Пра яго вынікі «Нашай Ніве» распавялі сваякі:
«Было кровазліццё ў тыя аддзелы мозгу, якія адказваюць за жыццёва важныя працэсы арганізма. Там была вельмі вялікая гематома, прыйшлося рабіць трэпанацыю чэрапа, каб мозг не ціснуў на чэрапную скрынку.
Цяпер Раман у крытычным стане. Шанцы выжыць ацэньваюць як 1 з 1000.
Яму трэба рабіць яшчэ адну аперацыю. Але рабіць яе цяпер, пакуль Раман у такім стане, немагчыма. Ён яе не перажыве.
Дактары сказалі, што цяпер трэба проста чакаць, можа быць, Раману ўсё ж хоць трохі палепшае.
Бывалі выпадкі, калі людзі выжывалі пасля такога, але рэдка. Па словах медыкаў, 10 гадоў таму ён бы дакладна памёр, сёння ж шанцы ўсё ж застаюцца. «Мы робім усё магчымае і нават больш, — кажуць дактары».
Чытайце таксама:
«Шанцаў зусім мала». Збіты на «плошчы Перамен» Раман Бандарэнка знаходзіцца ў бальніцы ў коме
«На пляцоўцы была валтузня, а не бойка». Відавочца нападу на Рамана Бандарэнку расказала падрабязнасці інцыдэнту
«Ён між жыццём і смерцю»: медык расшыфраваў скарот «ШКГ 4б» з выпіскі збітага Бандарэнкі
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м28
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары