Ніна Багінская, «чые сцягі застануцца ў гісторыі Беларусі», стала лаўрэаткай штогадовай прэміі «Людзі Cвабоды — 2020». Беларуская служба Радыё Свабода штогод уручае гэтую ўзнагароду тым, «хто пашырае межы свабоды для сябе, Беларусі, свету».
«Шкада, што часы сталінізму паўтараюцца цяпер у пэўным сэнсе. Але ёсць спадзеў, што неўзабаве мы ўсе будзем жыць у дэмакратычнай краіне з дзяржаўным бел-чырвона-белым сцягам і беларускай мовай, якая загучыць паўсюдна, — сказала Ніна Багінская, атрымліваючы ўзнагароду. — Я веру, што другі віток адраджэння, якое пачалося ў 1991 годзе, спраўдзіцца і мы ўрэшце пераможам. Каб пераканацца ў гэтым, дастаткова паназіраць за ўсімі тымі людзьмі, якія ўпадабалі нашыя гістарычныя бел-чырвона-белыя колеры і паўсталі пад імі».
Па словах лаўрэаткі, калі Беларусь захавае бел-чырвона-белы сцяг, яна захавае і незалежнасць. «Цяпер у пастарунках нашыя сцягі зневажаюць, але гэта пройдзе. Народа больш, чым гэтых служак рэжыму. Дзякуй усім, хто не толькі ў Беларусі, але ва ўсіх канцах свету выходзіць з бел-чырвона-белымі сцягамі».
Папярэднія лаўрэаты:
— 2019 «Маці 328» і і ўсе тыя, хто змагаецца за правы зняволеных паводле антынаркатычнага артыкула
— 2018 Святлана Коржыч, маці салдата Аляксандра Коржыча, які трагічна загінуў у войску
— 2017 Беларусы, якія «ломяць стэрэатыпы пра людзей з інваліднасцю»
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?7
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары