Белгазпрамбанк узначаліць Ірына Патапава. Яна была намеснікам старшыні праўлення
В.а. старшыні прызначаная намеснік старшыні праўлення Ірына Патапава, яна працавала яшчэ пры Віктары Бабарыку, піша Tut.by
Праўленне сфарміравана з дзеючых супрацоўнікаў банка, яно прыняло паўнамоцтвы па кіраванні 11 снежня (часовая адміністрацыя была ўведзена ў чэрвені пасля затрымання былога старшыні Віктара Бабарыкі і шэрагу топ-менеджараў).
У праўленне ўвайшлі выканаўчы дырэктар Таццяна Аўраменка, начальнік упраўлення фінансавых інстытутаў Ірына Антонава, дырэктар дэпартамента карпаратыўнага бізнесу Аляксандр Важдаеў, дырэктар дэпартамента рознічнага бізнэсу Канстанцін Кір'янаў, выканаўчы дырэктар Уладзімір Караткевіч, намеснік старшыні праўлення Аляксандр Сотнікаў.
Аляксандр Сотнікаў, Ірына Патапава і Таццяна Аўраменка былі ў складзе папярэдняга праўлення, у якім было 8 чалавек (у цяперашнім — 7).
Для Белгазпрамбанка распаўсюджаная практыка, калі кіраўнікі дэпартаментаў трапляюць у склад праўлення.
Так было, да прыкладу, у 2010 годзе, калі на месца Людмілы Комір у праўленне ўвялі дырэктара Дэпартамента ўнутранага аўдыту Вячаслава Станкевіча. А Кірыл Бадзей, які ў 2006 годзе ўзначаліў Дэпартамент казначэйства, у красавіку 2014 года стаў намеснікам старшыні праўлення.
Ірына Патапава з ліку тых работнікаў, якія працавалі яшчэ пры Віктары Бабарыку. Сваю дзейнасць у банкаўскай сістэме пачала ў Белінвестбанку, дзе з 1996 па 2008 год займала пасады эканаміста, старшага эканаміста.
У 2010 годзе яе зацвердзілі намеснікам галоўнага бухгалтара Белгазпрамбанка. Праз некалькі гадоў Патапава стала галоўным бухгалтарам. А ў 2017 годзе яе прызначылі намеснікам старшыні праўлення.
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары