
«Культура бортніцтва Беларусі і Польшчы» ўнесена ў Рэпрэзентатыўны спіс нематэрыяльнай культурнай спадчыны чалавецтва ЮНЕСКА. Пра гэта БелТА распавялі ў МЗС.
«17 снежня Міжурадавы камітэт па ахове нематэрыяльнай культурнай спадчыны ЮНЕСКА на 15-й сесіі вырашыў уключыць сумесную намінацыю Беларусі і Польшчы «Культура бортніцтва» ў Рэпрэзентатыўны спіс нематэрыяльнай культурнай спадчыны чалавецтва (ЮНЕСКА)», - расказалі ў прэс-службе.
Бортніцтва — старадаўні лясны промысел, пачатковая форма культурнага пчалярства. Заснавана на развядзенні і ўтрыманні лясных пчол у штучных дуплах.
У МЗС падкрэслілі, што ўключэнне ў спіс — вынік сумеснай работы нацыянальных камісій па справах ЮНЕСКА, міністэрстваў культуры Беларусі і Польшчы, мясцовых супольнасцей бортнікаў, няўрадавых арганізацый і экспертаў дзвюх краін.
З уключэннем «Культуры бортніцтва Беларусі і Польшчы» Спіс нематэрыяльнай культурнай спадчыны чалавецтва ЮНЕСКА стаў налічваць чатыры беларускія элементы.
Раней у яго былі ўключаны святочны калядны абрад у вёсцы Семежава «Калядныя цары», Будслаўскі фэст, а таксама абрад «Юр'еўскі карагод» у вёсцы Пагост Жыткавіцкага раёна.
-
Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі
-
Вольныя Купалаўцы паставяць спектакль у Вільні
-
«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары