«Kultura bortnictva Biełarusi i Polščy» ŭniesiena ŭ Reprezientatyŭny śpis niemateryjalnaj kulturnaj spadčyny čałaviectva JUNIESKA. Pra heta BiełTA raspaviali ŭ MZS.
«17 śniežnia Mižuradavy kamitet pa achovie niemateryjalnaj kulturnaj spadčyny JUNIESKA na 15-j siesii vyrašyŭ uklučyć sumiesnuju naminacyju Biełarusi i Polščy «Kultura bortnictva» ŭ Reprezientatyŭny śpis niemateryjalnaj kulturnaj spadčyny čałaviectva (JUNIESKA)», - raskazali ŭ pres-słužbie.
Bortnictva — staradaŭni lasny promysieł, pačatkovaja forma kulturnaha pčalarstva. Zasnavana na raźviadzieńni i ŭtrymańni lasnych pčoł u štučnych dupłach.
U MZS padkreślili, što ŭklučeńnie ŭ śpis — vynik sumiesnaj raboty nacyjanalnych kamisij pa spravach JUNIESKA, ministerstvaŭ kultury Biełarusi i Polščy, miascovych supolnaściej bortnikaŭ, niaŭradavych arhanizacyj i ekśpiertaŭ dźviuch krain.
Z uklučeńniem «Kultury bortnictva Biełarusi i Polščy» Śpis niemateryjalnaj kulturnaj spadčyny čałaviectva JUNIESKA staŭ naličvać čatyry biełaruskija elemienty.
Raniej u jaho byli ŭklučany śviatočny kaladny abrad u vioscy Siemiežava «Kaladnyja cary», Budsłaŭski fest, a taksama abrad «Jurjeŭski karahod» u vioscy Pahost Žytkavickaha rajona.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary