Хакеры паспрабавалі атрымаць доступ да камп'ютараў па меншай меры сямі дэпутатаў бундэстагу.
Як піша Spiegel, за атакай стаіць групоўка Ghostwriter. У службе бяспекі краіны падазраюць, што яна звязаная з Галоўным упраўленнем Генштаба Расіі (былое ГРУ). Хакеры рассылалі на электронныя адрасы палітыкаў фішынгавыя лісты.
Паводле выдання, большасць дэпутатаў, якія падвергліся нападу, адносяцца да блоку ХДС/ХСС і Сацыял-дэмакратычнай партыі Германіі (СДПГ), які ўваходзіць у кіруючую кааліцыю. Таксама, паводле газеты, атака закранула 31 дэпутата ландтага (рэгіянальны парламент). Ці ўдалося зламыснікам выкрасці даныя, пакуль невядома.
Выданне паведамляе са спасылкай на крыніцы ва ўрадзе, што хакеры спрабавалі атакаваць не толькі дэпутатаў, але і палітычных актывістаў у Гамбургу і Брэмене, усяго ад іх дзеянняў пацярпелі некалькі дзясяткаў чалавек.
Паводле амерыканскай кампаніі па кібербяспецы FireEye, Ghostwriter функцыянуе мінімум з 2017 года, яна дзейнічае «у адпаведнасці з інтарэсамі бяспекі Расіі». Група спецыялізуецца на пашырэнні дэзынфармацыі, у першую чаргу сярод жыхароў Літвы, Латвіі і Польшчы, у асноўным гаворка ідзе аб крытыцы прысутнасці НАТА ва Усходняй Еўропе.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары