Прадпрымальнік з Маладзечна набыў за 29 рублёў сядзібу XVI стагоддзя ў Клецкім раёне
Сядзібу Яленскіх у Клецкім раёне прадалі за 29 рублёў, паведамілі ў праграме «Міншчына» на СТБ. Пераможцам аўкцыёну стаў прадпрымальнік з Маладзечна (яго імя не назвалі). Ён плануе адрэстаўраваць унікальную славутасць і адкрыць на яе месцы аздараўленчы комплекс, паведамляе Рэгіянальная газета.
Сёння некалі прыгожы палац наведваюць толькі рэдкія турысты. Знаходзіцца сядзіба Яленскіх у аграгарадку Туча. Упершыню яна згадваецца ў 16 стагоддзі. Тады гэта былі валоданні маці аднаго з князёў ВКЛ. У канцы стагоддзя землі перайшлі Радзівілам, пазней — прадстаўнікам вядомага валынскага роду Яленскіх.
Па словах навуковага супрацоўніка Музея гісторыі Клеччыны Таццяны Майсак, у 18 стагоддзі тут быў парк, бровар, вадзяны млын, сажалкі, карчма, кузня і розныя гаспадарчыя пабудовы. У 19 — уладальнік Казімір Яленскі — самы вядомы прадстаўнік роду — забіраў да сябе асірацелых дзяцей мясцовай шляхты. Ён займаўся ўнутраным убраннем сядзібы. Да 20 стагоддзя ў маёнтку з’явілася вялікая калекцыя антыкварыяту. Але багацці былі вывезены, а пасля зніклі падчас Першай сусветнай.
Маёнткам валодала Марыя Яленская з дачкой Ядвігай. Ядвіга памерла дзесяць гадоў таму ў Бразіліі.
Адзін час у маёнтку размяшчалася бальніца. У 1970-я гады — школа. Тады з’явілася прыбудова пад спартыўную залу. Але і школа неўзабаве зачынілася. Будынак па гэты дзень не выкарыстоўваўся.
Сядзібу ўжо прадавалі ў 2011 годзе. Але тады гаспадары, мабыць, не разлічылі свае сілы. Рэканструкцыю не правялі.
У новага ўладальніка па законе ёсць 12 месяцаў пасля рамонту на тое, каб адкрыць аб’ект для турыстаў. Акрамя гэтага, на працягу пяці гадоў ён не зможа закрыць бізнэс.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі32
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары