Вытворчасць электрамабіляў развіваецца вельмі хуткімі тэмпамі. Гэта ставіць пытанні, што рабіць з літый-іоннымі батарэямі, у якіх скончыцца тэрмін дзеяння.
Да 2030 года ЕС спадзяецца, што на еўрапейскіх дарогах будзе больш за 30 мільёнаў электрамабіляў. Аднак хоць электрамабілі не павялічваюць выкіды вугляроду падчас выкарыстання, экспертаў турбуе, што будзе з батарэямі, калі скончыцца іх тэрмін дзеяння, які доўжыцца 10-15 гадоў, піша BBC.
Большасць кампанентаў электрамабіляў супадае з тымі, што ў звычайных аўто, але ключавая розніца — у батарэях. Традыцыйныя свінцова-кіслотныя батарэі шырока перапрацоўваюцца, чаго нельга сказаць пра літый-іонныя версіі, якія выкарыстоўваюцца ў электрамабілях. Да таго ж літый-іонныя батарэі маюць у сваім складзе небяспечныя рэчывы, а таксама могуць выбухаць падчас няправільнай разборкі.
Таму кіраўніцтва ЕС настойвае на тым, каб вытворцы электрычных транспартных сродкаў неслі адказнасць за тое, што будзе са скарыстанымі батарэямі. І аўтавытворцы пачынаюць знаходзіць выйсці.
Кампанія Nissan, напрыклад, навучылася паўторна выкарыстоўваць батарэі сваіх аўтамабіляў Leaf у транспартных сродках, якія дастаўляюць дэталі на заводы.
Volkswagen робіць тое ж самае, але, акрамя гэтага, кампанія адкрыла свой першы завод па перапрацоўцы акумулятарных сістэм у Германіі, дзе штогод плануецца перапрацоўваць 3600 батарэй.
Больш за тое, пасля правільнай перапрацоўкі можна атрымаць шмат карысных матэрыялаў, сярод якіх кобальт, нікель і літый. Аднак гэта маса патрабуе паўторнай энергаёмістай перапрацоўкі, каб гэтыя матэрыялы можна было выкарыстоўваць паўторна. Таму многія еўрапейскія навуковыя арганізацыі імкнуцца стварыць тэхналогіі для аптымізацыі перапрацоўкі батарэй электрамабіляў.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1515
Каментары