У Маскве паліцыя сарвала паказ спектакля пра падзеі жніўня ў Беларусі ВІДЭА
У Маскоўскім Тэатры.doc вечарам у суботу была сарваная прэм'ера спектакля рэжысёра Сяргея Гіндыліса «Суседзі», прысвечанага падзеям жніўня 2020 года ў Беларусі. Пра гэта паведамляе Радыё Свабода.
Прыкладна праз паўгадзіны пасля пачатку спектакля ў залу ўвайшлі супрацоўнікі паліцыі, якія спынілі акцёраў і паведамілі гледачам, што паступіў сігнал пра закладзеную ў памяшканні выбухоўку. Людзі зрэагавалі на словы супрацоўніка паліцыі смехам і апладысментамі, але былі вымушаныя пакінуць залу.
Акцёры працягнулі спектакль на вуліцы. Паліцыя папярэдзіла іх і гледачоў, што яны могуць быць затрыманыя.
Аўтары спектакля, сярод якіх беларусы і расіяне, апісваюць яго так:
«Разам з медыяпраектам «Жнівень 2020» мы сабралі гісторыі тых, хто пацярпеў ад дзеянняў сілавікоў пасля выбараў у Беларусі. Доктар, студэнтка, эмігрант, які вярнуўся ў гэтыя дні на радзіму, прадзюсар, актрыса, прымальніца грузаў на Мінскім вакзале распавядаюць пра тое, што ім давялося перажыць летам 2020 года.
У спектаклі, створаным у тэхніцы headphone verbatim мы глядзім на беларускія падзеі вачыма іх непасрэдных удзельнікаў. Акцёр чуе ў слухаўках голас героя і прайграе яго ў рэальным часе, што дазваляе з максімальнай дакладнасцю перадаць прамову і інтанацыю».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары