Грамадства

«Находите эту тварь и убирайте». Эксперты пацвердзілі, што жорсткія загады сілавікам аддаваў Караеў

Незалежная экспертыза пацвердзіла голас былога міністра ўнутраных спраў Юрыя Караева на стужцы з абразамі беларусаў і патрабаваннем да ГУБАЗіК прыбіраць нязгодных. 

Гаворка ідзе пра два запісы. На першым Караеў выступае перад байцамі Галоўнага ўпраўлення па барацьбе з арганізаванай злачыннасцю і карупцыяй, якое стаяла ў першых шэрагах пераследу прыхільнікаў перамен.

Караеў на запісе прызнае, што сілавікі не былі гатовыя да пратэстаў такога маштабу. Разлічвалі, што незадаволеных будзе столькі ж, колькі пасля выбараў у 2010-м. 

«У вас на ўсё хапіла сілаў, — казаў міністр. — У першыя чатыры дні «групы атакі», пра якія ўжо ведае прэзідэнт, разам з АМАП і ўнутранымі войскамі ўратавалі краіну».

Беларускі народ Караеў на тым запісе называў «тупаватым», казаў, што людзі «не бачаць далей за пяць метраў ад носу» і наогул гэта «тлустыя абывацелі». Сілавікі ж, на яго думку, «гасударавы людзі». 

Пры гэтым у ранейшых інтэрв’ю Караеў з крыўдай адзначаў, што яму неаднаразова даводзілася чуць абразы ў свой адрас, звязаныя з ягонай нацыянальнасцю, маўляў, апаненты пераходзяць усе межы, прыгадваюць яму, што ён асецін.

На другім запісе, дзе паводле экспертаў таксама зафіксаваны голас Юрыя Караева, той праходзіцца па Сяргею Ціханоўскім: «Няма на яго артыкула — трэба прыдумаць і пасадзіць яго надоўга. Хай там сядзіць! Хай здохне там!»

Экспертызу замовіла праваабарончая арганізацыя «Прававая ініцыятыва». Запісы вывучала спецыяліст незалежнай экспертызы ААТ «ГлавЭксперт». Выснова — голас на аўдыёзапісах адзін і той жа, што і ў арыгінальных інтэрв’ю Караева на дзяржаўным тэлебачанні. Прыкметаў мантажу на аўдыёзапісах няма.

Нагадаем, у кастрычніку 2020 года, калі ў Беларусі яшчэ працягваліся масавыя пратэсты, Караева адправілі ў адстаўку і панізілі — ён стаў памочнікам Лукашэнкі па Гродзенскай вобласці. Ягонае месца ў міністэрстве заняў былы начальнік мінскай міліцыі Іван Кубракоў, які таксама звязаны з разгонам дэманстрантаў.

Каментары

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць