У Гвінеі адбыўся пераварот. Вайскоўцы зрынулі 83-гадовага прэзідэнта, які год таму змяніў канстытуцыю
Армейскі спецназ Гвінеі абвясціў аб звяржэнні 83-гадовага прэзідэнта Альфы Кондэ і роспуску ўрада.
Відавочцы паведамляюць, што ў раёне рэзідэнцыі ў нядзелю адбыўся бой, а ў сацсетках распаўсюджваюцца відэа і фота прэзідэнта ў асяроддзі ўзброеных людзей у вайсковай форме.
Ваенныя абвясцілі па дзяржаўнаму тэлебачанню, што прэзідэнт Альфа Кондэ зрынуты і арыштаваны, а ўрад распушчаны.
Вайскоўцы заявілі ў тэлезвароце, што ўзялі ўладу праз тое, што краіна загразла ў карупцыі і галечы.
Альфа Кондэ, якому цяпер 83 гады, большую частку жыцця быў апазіцыянерам і змагаўся з аўтарытарнымі кіраўнікамі гэтай заходнеафрыканскай краіны, якая лічыцца адной з самых бедных у свеце.
У 2010 годзе ён перамог у другім туры прэзідэнцкіх выбараў, стаўшы першым дэмакратычна абраным лідарам Гвінеі, а ў 2015-м пераабраўся на пасаду кіраўніка дзяржавы.
У сакавіку 2020 года ў Гвінеі быў праведзены канстытуцыйны рэферэндум, дзякуючы якому прэзідэнцкія тэрміны Кондэ абнуліліся і ён змог балатавацца на трэці тэрмін.
Цяпер чытаюць
Бабарыка зоймецца бізнэсам — ужо адкрыў кампанію ў Германіі17
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары