Аўдыёзапіс ацэньваюць не менш чым у 27 тысяч даляраў.
У 1969-1970 гады канадскі журналіст Кен Зэйліг запісаў падчас трох сустрэч 91-хвіліннае інтэрв’ю з Джонам Ленанам і Йока Она. Лічыцца, што толькі пяць хвілін з гэтага запісу трапілі ў публічны эфір, гэта здарылася ў канцы 80-х гадоў.
На запісе Ленан распавядае пра свае любімыя песні Beatles. Таксама ён расказвае пра тое, што паўплывала на яго музыку, пра будучыню Beatles, а таксама пра змены, якія прынесла ў жыццё Ленана Йока Она, піша ВВС.
Ленан кажа, што, на яго меркаванне, Beatles добра паўплывалі на моладзь у 60-я гады. Лідар бітлоў таксама ўспамінае пра Раство, калі ў панчосе з падарункамі ён знайшоў губны гармонік. Па словах Ленана, гэта быў адзін з лепшых момантаў у яго жыцці.
На 12 катушачных плёнках, што выстаўленыя на аўкцыён, запісаныя інтэрв’ю, музыка Beatles і дэталізаваныя расшыфроўкі размоваў. Сям’я Кена Зэйліга, які памёр у 1990 годзе, толькі нядаўна знайшла іх.
Эксперт Пол Фэйруэзэр з аўкцыённага дома Omega Auctions ахарактарызаваў плёнкі як бясцэнныя і дадаў, што яны дапаўняюць «гісторыю Джона Ленана». Аўкцыяніст лічыць, што фанаты Beatles будуць уражаныя, калі пачуюць, як Ленан размаўляе пра тое, пра што раней ён публічна не выказваўся.
Плёнкі будуць прадстаўленыя на аўкцыёне 28 верасня. Яны ацэньваюцца ў суму ад 20 да 30 тысяч фунтаў (прыкладна ад 27700 да 41500 даляраў).
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога5
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары