Aŭdyjozapis aceńvajuć nie mienš čym u 27 tysiač dalaraŭ.
U 1969-1970 hady kanadski žurnalist Kien Zejlih zapisaŭ padčas troch sustreč 91-chvilinnaje intervju z Džonam Lenanam i Joka Ona. Ličycca, što tolki piać chvilin z hetaha zapisu trapili ŭ publičny efir, heta zdaryłasia ŭ kancy 80-ch hadoŭ.
Na zapisie Lenan raspaviadaje pra svaje lubimyja pieśni Beatles. Taksama jon raskazvaje pra toje, što paŭpłyvała na jaho muzyku, pra budučyniu Beatles, a taksama pra źmieny, jakija pryniesła ŭ žyćcio Lenana Joka Ona, piša VVS.
Lenan kaža, što, na jaho mierkavańnie, Beatles dobra paŭpłyvali na moładź u 60-ja hady. Lidar bitłoŭ taksama ŭspaminaje pra Rastvo, kali ŭ pančosie z padarunkami jon znajšoŭ hubny harmonik. Pa słovach Lenana, heta byŭ adzin ź lepšych momantaŭ u jaho žyćci.
Na 12 katušačnych plonkach, što vystaŭlenyja na aŭkcyjon, zapisanyja intervju, muzyka Beatles i detalizavanyja rasšyfroŭki razmovaŭ. Siamja Kiena Zejliha, jaki pamior u 1990 hodzie, tolki niadaŭna znajšła ich.
Ekśpiert Poł Fejruezer z aŭkcyjonnaha doma Omega Auctions acharaktaryzavaŭ plonki jak biascennyja i dadaŭ, što jany dapaŭniajuć «historyju Džona Lenana». Aŭkcyjanist ličyć, što fanaty Beatles buduć uražanyja, kali pačujuć, jak Lenan razmaŭlaje pra toje, pra što raniej jon publična nie vykazvaŭsia.
Plonki buduć pradstaŭlenyja na aŭkcyjonie 28 vieraśnia. Jany aceńvajucca ŭ sumu ad 20 da 30 tysiač funtaŭ (prykładna ad 27700 da 41500 dalaraŭ).
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary