Навукоўцы здолелі ўзнавіць аблічча фараона Аменхатэпа I
Мумія фараона Аменхатэпа I да гэтага часу застаецца адным з нямногіх забальзамаваных целаў кіраўнікоў старажытнага Егіпта, чые парэшткі сучасныя даследчыкі яшчэ не вывучалі без пахавальнага савана. Але аказалася, што можна яго і не здымаць, піша Meduza.
Мумію выявілі ў 1881 годзе ў грабніцы Дэйр-аль-Бахары ў Луксоры і не сталі здымаць з яе ільняныя пялюшкі, якія захаваліся практычна ў «ідэальным» стане. Зараз Мумія Аменхатэпа I захоўваецца ў Егіпецкім музеі ў Каіры.
Мясцовыя навукоўцы вырашылі даследаваць парэшткі фараона з дапамогай камп'ютарнай тамаграфіі, каб атрымаць уяўленне, як ён выглядаў, якія былі прычыны яго смерці і стан здароўя на яе момант. Пры дапамозе тамографа ім удалося зазірнуць пад пахавальныя бінты і ўпершыню ўзнавіць аблічча муміі пад ім. Вынікі даследавання апублікаваныя ў часопісе Frontiers in Medicine.
Як высветлілі навукоўцы, на момант смерці Аменхатэпу I было 35 гадоў, а ягоны рост складаў прыкладна 168,5 сантыметраў. Твар фараона быў авальным з вузкім падбародкам і невялікім носам. Яго валасы, мяркуючы па некалькіх захаваных пасмах, кучаравіліся, а мочка левага вуха была праколатая. Даследчыкі таксама адзначылі, што ў фараона захаваўся поўны набор зубоў. Пад палатном навукоўцы таксама выявілі 30 амулетаў і упрыгожанняў, у тым ліку металічны, як мяркуецца, залаты пояс, вышываны пацеркамі.
Прычыну смерці аўтарам даследавання высветліць не ўдалося, аднак яны зафіксавалі пасмяротныя пашкоджанні і сляды рэканструкцыі. Лічыцца, што фіванскія жрацы XXI дынастыі аднавілі і перапахавалі мумію Аменхатэпа I пасля разрабавання першапачатковай грабніцы.
У арміі ЗША з’явіўся робат. Пакуль што ён працуе на кухні
У космас запусцілі ўнікальны касмічны тэлескоп, які каштаваў 10 мільярдаў даляраў
Лукашэнка нервова пракаментаваў візіт Ціханоўскай у Кіеў45
Каментары