Лізавета ІІ пазбавіла свайго сына Эндру чыноў і тытулаў. Яго вінавацяць у згвалтаванні
Букінгемскі палац паведаміў, што каралева Вялікабрытаніі Лізавета II пазбавіла свайго другога сына прынца Эндру ўсіх вайсковых званняў і каралеўскага патранажу. Прычына — абвінавачванне ў згвалтаванні.
Прынц сам прасіў вызваліць яго ад гэтых ганаровых абавязкаў з 2019 года, калі прэса падняла тэму ягоных сувязяў з фінансістам Джэфры Эпштэйнам, асуджаным за арганізацыю прастытуцыі з удзелам непаўналетніх. Эпштэйна ў 2019 годзе знайшлі мёртвым, калі ён быў у зняволенні.
Эпізод, па якім прынц Эндру цяпер апынуўся пад судом, нібыта адбыўся 20 гадоў таму. Амерыканка Вірджынія Джуфрэ абвінавачвае Эндру ў згвалтаванні. Яна расказала суду, што была адной з ахвяраў Джэфры Эпштейна, які здаваў яе для аказання сэксуальных паслуг іншым уплывовым мужчынам, уключаючы прынца Эндру.
Прынц адмаўляе ўсе абвінавачванні і заяўляў, што ніколі раней не сустракаўся з Вірджыніяй Джуфрэ. Але ў яе архіве захавалася сумеснае фота.
У 2009 годзе Джуфрэ атрымала ад Эпштэйна 500 тысяч даляраў у абмен на абавязальніцва не падаваць у суды пазоваў па звязаных з яго справай эпізодах. Менавіта на гэтым факце будуецца пазіцыя абароны прынца Эндру ў працэсе.
Але рэпутацыі ягонай нанесены моцны ўдар, на які мусіць рэагаваць і каралеўская сям'я.
У заяве Букінгемскага палаца адзначаецца: «Герцаг Ёркскі [Эндру] далей не будзе выконваць абавязкаў члена каралеўскай сям'і і выступае ў судовым працэсе як прыватная асоба». Таксама Эндру забаронена карыстацца тытулам «Яго Каралеўская Высокасць».
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары