Лукашэнка адказаў, ці выклікае ў яго павагу хто-небудзь са зняволеных апазіцыянераў і ці не час ужо мілаваць
На сустрэчы з Лукашэнкам прапагандыст Салаўёў падняў пытанне асуджаных апазіцыянераў і пацікавіўся, ці не прыйшоў час іх памілаваць.
— Хто-небудзь з іх як чалавек у вас выклікае павагу? — спытаў Салаўёў у суразмоўцы.
— Не, — цвёрда сказаў Лукашэнка і дадаў. — Я іх усіх шкадую. Мне іх шкада.
— Мне вось адзін цікавы персанаж — Калеснікава, — сказаў Салаўёў.
— Калеснікава?.. — нібыта не адразу згадаў, хто такая Калеснікава, Лукашэнка. — А, флейта…
— Яна не выбрала шлях Ціханоўскай збегчы за мяжу… Разарвала свой пашпарт… — пачаў Салаўёў.
Лукашэнка паспрабаваў зноў пераканаць, што Калеснікава насамрэч хацела збегчы. «Пашпарт з'ела», — сказаў Лукашэнка.
«А гэтыя мярзотнікі — уяўляеш, жанчыну… Адчынілі дзверцы задняй дзверы і выкінулі праз акно. А самі збеглі», — апісаў дзіўную карціну Лукашэнка з адчыненымі дзвярыма, але выкінутай праз акно Калеснікавай.
Салаўёў праігнараваў нестыкоўкі ў версіі Лукашэнкі. Прапагандыст сказаў, што апазіцыя і Захад пра Калеснікаву забыліся, «аб яе выціраюць ногі».
— Я не думаю, што Захад забудзе, спецслужбы забудуць сваю агентуру або рэзідэнтуру. Проста, як ты нядаўна сказаў, час патрэбны, — загадкава адказаў Лукашэнка.
— Можа, усё-ткі дараваць? Можа, памілаваць? — спытаў Салаўёў.
— Каго?
— Як самі вырашыце. Вы вось прапанавалі гэтую камісію… Можа, паказаць, што я, як прэзідэнт, бачу: гэтыя памыляліся, гэтыя шпіёны, а вось гэтым дараваць.
— Ну, дзякуй, што паўтарыў тое, што я сказаў.
— Не праз камісію, — удакладніў Салаўёў.
Лукашэнка сказаў, што, паколькі «ад іх пацярпелі амапаўцы, людзі ў форме», то не ён адзін будзе вырашаць.
Што тычыцца Віктара Бабарыкі, Лукашэнка зноў паўтарыў, што паставіў Бабарыку ўмову «вярнуць, што нарабаваў», і той нібыта з сынам абмяркоўваў, вяртаць ці не. Па версіі Лукашэнкі, вырашылі не вяртаць, бо «НАТА прыйдзе ці Ціханоўская» і іх вызваляць.
«Настолькі разумны, што па ўзроўні развіцця скончыў ВНУ». Лукашэнка распавёў пра будучыню сына Мікалая
Пяскоў пракаментаваў словы Лукашэнкі пра абяцанае званне палкоўніка ад Пуціна
Вы не паверыце, кім аказаўся «выпадковы» баяніст на вакзале, які спяваў пра Лукашэнку19
Каментары