Днямі стала вядома пра расійскіх вайскоўцаў, якія адпраўлялі з Мазыра нарабаваныя ва Украіне рэчы і тэхніку. Паглядзелі, колькі каштуе такая перасылка.
Салдаты карысталіся кур’ерскай службай СДЭК. Большасць з іх родам з Рубцоўска, але ёсць таксама з Усурыйска, Ульянаўска, Чыты. У гэтыя гарады перасылаліся сотні кілаграмаў рэчаў.
Перасылка з Мазыра да пункту выдачы ў Рубцоўску каштуе ад 479 беларускіх рублёў за груз ад 50 да 200 кілаграмаў. З кур'ерскай дастаўкай — ад 1753 рублёў. У першым выпадку пасылка будзе ісці ад 8 да 12 працоўных дзён, у другім — 6-9 дзён.
Да Усурыйска за такі ж самы груз трэба выкласці не менш за 479 рублёў. З дастаўкай да дома — ад 1997 рублёў. Ісці пасылка будзе два тыдні.
Ва Ульянаўск — ад 480 рублёў, з кур'ерскай дастаўкай — ад 994 рублёў. Перасылка зойме ад 3 да 5 працоўных дзён.
У горад Чыта, адпаведна, ад 479 і да 2697 рублёў. Ісці пасылка будзе ў першым выпадку 12-14 працоўных дзён, у другім — тыдзень.
Праект «Беларускі Гаюн» публікуе персанальныя звесткі расійскіх салдат-марадзёраў. Рэкардсмен пераслаў дахаты амаль паўтоны
«Мы прыйшлі па сваё, Расія — моц». Як жыхары расійскага Рубцоўска рэагуюць на факт марадзёрства землякоў
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары