Выйшла кніга Усевалада Сцебуракі «Сцебуракаў лёс». Гэта летапіс сямейнай гісторыі, які стаў кнігай пра Беларусь
«Сцебуракаў лёс» — летапіс роду праз прызму ўспамінаў і гісторыі паўсядзённасці. Асноўная ўвага аўтарам нададзеная падзеям другой паловы XIX — сярэдзіны XX стагоддзя. Выданне ўяўляе сабой спалучэнне мастацкай літаратуры і гістарычнага даследавання, утрымлівае цікавыя архіўныя і фотаматэрыялы. У кнізе асвятляюцца знакавыя падзеі гісторыі Беларусі гэтага перыяду, якія дапаўняюцца краязнаўчымі і этнаграфічнымі звесткамі.
«У выніку працы выявілася, што кніга сямейнай гісторыі сталася кнігай пра Беларусь. Пра наш Заходні край, Віленшчыну (а больш дакладна Вялейска—Мядзелска—Маладзечанскія ваколіцы). Пра тое, як яна перажыла Першую і Другую сусветныя войны, як жыла за Польшчай і Саветамі, як калектывізавалася і раскулачвалася, як высялялася і вярталася дамоў», — напісаў сам аўтар на сваёй старонцы ў Фэйсбуку.
Праца над кнігай, паводле аўтара, ішла тры гады, а падрыхтоўчы этап заняў усе пяць. Памагалі Усеваладу над ёй працаваць найбліжэйшыя сваякі. Бацька Усевалада нястомна распытваў пра ўсе драбніцы свайго бацьку (дзеда аўтара), а брат Анатоль, прафесійны гісторык, правёў тытанічную працу па генеалагічных росшуках у архівах і стаў фактычна суаўтарам кнігі.
Набыць кнігу можна ўжо зараз у інтэрнэт-кнігарні knihi.by.
-
Марзалюк пра новы гістарычны музей: Сустракаць наведвальнікаў будуць самыя важныя ў нацыянальнай гісторыі асобы
-
Што чуваць у РТБД пасля чыстак рэпертуару і звальнення найбольш зорных акцёраў?
-
Над Масулам ізноў узвышаецца знішчаны «гарбаты» мінарэт, з якога лідар Ісламскай дзяржавы абвяшчаў сусветны халіфат
Цяпер чытаюць
«Ты будешь сотрудничать, б*, или нет?» Як у Беларусі схіляюць да супрацоўніцтва са спецслужбамі2
Каментары