Улада

ГУБАЗіК часова застаўся без начальніка, Паршына перавялі ў іншы дэпартамент кашмарыць сілавікоў

Кіраўнік ГУБАЗіКа палкоўнік Андрэй Паршын пераведзены на генеральскую пасаду ў Дэпартамент забеспячэння аператыўна-вышуковай дзейнасці (ДЗАВД), які збольшага займаецца кантролем саміх сілавікоў. Ранейшага начальніка ДЗАВД Максіма Міронава пасля шэрагу правалаў перавялі на менш значную пасаду.

Андрэй Паршын

Як стала вядома «Нашай Ніве», месяц таму змяніў месца работы Андрэй Паршын — кіраўнік Галоўнага ўпраўлення па барацьбе з арганізаванай злачыннасцю і карупцыяй МУС. 

Яго перавялі ў Дэпартамент забеспячэння аператыўна-вышуковай дзейнасці. Гэта генеральская пасада.

У ГУБАЗіКу 48-гадовы Паршын адпрацаваў троху больш за год — з 8 студзеня 2021-га. 

Гэтыя кадравыя перастаноўкі пацвердзіў Bypol у сваім новым відэа.

Запісы перамоваў высокапастаўленых сілавікоў, зробленыя ДЗАВД, сталі здабыткам грамадскасці, іх апублікавалі «Кіберпартызаны», а крыніцамі, імаверна, былі афіцэры-сабатажнікі. Многія чакалі, што ў выніку начальнік ДЗАВД генерал-маёр Максім Міронаў будзе арыштаваны ці прынамсі звольнены з МУС, але яго проста перавялі на менш значную пасаду намесніка кіраўніка Дэпартамента аховы.

Максім Міронаў

Суразмоўцы «Нашай Нівы» звязваюць павышэнне Паршына з яго ацэнкай як «энергічнага работніка» і з жаданнем узмацніць кантроль за сілавікамі, на фоне расійска-ўкраінскай вайны. 

Адна з галоўных сфер дзейнасці ДЗАВД — кантроль і праслухоўванне супрацоўнікаў унутраных органаў.

Паршын пачынаў сваю службу ў ГУБАЗіКу, а пасля нейкі час працаваў начальнікам службы ўнутранай бяспекі МУС. 

ГУБАЗіК з упраўлення па барацьбе з арганізаванай злачыннасцю ператварыўся ў палітычную паліцыю, якая рэпрэсуе палітычных праціўнікаў рэжыму Аляксандра Лукашэнкі. Андрэй Паршын быў адной з ключавых фігур гэтай трансфармацыі.

Пасля нападу Расіі на Украіну на ГУБАЗіК былі ўскладзеныя задачы задушэння антываенных пратэстаў, спынення сабатажу на чыгунцы і ідэнтыфікацыя грамадзян, якія перасылаюць у незалежныя тэлеграм-каналы інфармацыю аб перасоўваннях расійскіх войскаў. 

Афіцэры структуры запісвалі відэа з затрыманымі па палітычных прычынах, а пасля яго паказвалі на фоне плакатаў з літарай Z.

У звязаных з ГУБАЗіКам каналах пры Паршыне вялася адкрытая прапаганда расійскага імперыялізму і нагняталася нянавісць не толькі да людзей з іншымі поглядамі, але і да беларускай мовы, іншых еўрапейскіх нацый і ўсяго нярускага. 

У цэлым пры Паршыне ГУБАЗіК адыгрываў цэнтральную ролю ў разбурэнні беларускай дзяржаўнасці: з яго ўдзелам былі вынішчаныя палітычныя структуры, незалежныя СМІ, культура, бізнэс, дзясяткі тысяч чалавек пакінулі радзіму. 

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць