Улады Паўночнай Карэі ўпершыню паведамілі аб памерлых ад каранавіруса. Заразіліся каля 18 тысяч чалавек
Адначасова з гэтым «ліхаманку невядомага паходжання» выявілі ў 350 тысяч чалавек.
Фота: AP
Пра першых у КНДР хворых на кавід улады краіны паведамілі толькі ўчора, 12 мая. Але адразу па ўсёй краіне выявілі каля 18 тысяч выпадкаў захворвання і 6 смерцяў. Таксама з канца красавіка па краіне пачала распаўсюджвацца «ліхаманка невядомага паходжання», зарэгістравалі больш за 350 тысяч выпадкаў захворвання.
187800 паўночнакарэйцаў змясцілі пад каранцін, 162200 чалавек прайшлі лячэнне. Ці звязаная гэтая ліхаманка з Covid-19, не ўдакладняецца.
Каментары