Журналістку з Полацка Ціну Палынскую аштрафавалі на 3200 рублёў.
«У 15:00 суд толькі па адным артыкуле — наяўнасць жоўтай і сіняй стужак на сумцы і фоціку», — паведаміла раней Палынская.
Жоўты і сіні — колеры нацыянальнага сцяга Украіны.
Раней у Беларусі адбыліся шматлікія суды за наяўнасць налепак колераў украінскага сцяга, за надпісы «Не вайне!», за антываенныя выказванні.
Ператрус у Ціны Палынскай адбыўся ў нядзелю, ён быў звязаны з яе крытычным выказваннем адносна візіту ў Беларусь патрыярха маскоўскага Кірыла.
«Думаю, што ў будучыні людзі, якія складалі пратаколы, у якіх інтэрпрэтавалі наяўнасць такіх стужак як адміністрацыйнае правапарушэнне, і суддзі, якія выносілі прысуды па такіх справах, могуць панесці пакаранне за пераслед па нацыянальнай прыкмеце, — сказаў «Нашай Ніве» адвакат, які папрасіў захаваць ананімнасць. — Тое самае можа адбыцца з выпадкамі пераследу за карыстанне беларускай нацыянальнай сімволікай».
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі32
Каментары