Jašče adzin sud u Biełarusi za žoŭtuju i siniuju stužki na sumcy
Žurnalistku z Połacka Cinu Pałynskuju aštrafavali na 3200 rubloŭ.
«U 15:00 sud tolki pa adnym artykule — najaŭnaść žoŭtaj i siniaj stužak na sumcy i fociku», — paviedamiła raniej Pałynskaja.
Žoŭty i sini — kolery nacyjanalnaha ściaha Ukrainy.
Raniej u Biełarusi adbylisia šmatlikija sudy za najaŭnaść nalepak koleraŭ ukrainskaha ściaha, za nadpisy «Nie vajnie!», za antyvajennyja vykazvańni.
Pieratrus u Ciny Pałynskaj adbyŭsia ŭ niadzielu, jon byŭ źviazany ź jaje krytyčnym vykazvańniem adnosna vizitu ŭ Biełaruś patryjarcha maskoŭskaha Kiryła.
«Dumaju, što ŭ budučyni ludzi, jakija składali pratakoły, u jakich interpretavali najaŭnaść takich stužak jak administracyjnaje pravaparušeńnie, i sudździ, jakija vynosili prysudy pa takich spravach, mohuć panieści pakarańnie za pieraśled pa nacyjanalnaj prykmiecie, — skazaŭ «Našaj Nivie» advakat, jaki paprasiŭ zachavać ananimnaść. — Toje samaje moža adbycca z vypadkami pieraśledu za karystańnie biełaruskaj nacyjanalnaj simvolikaj».
Kamientary