Падумаў, што гарыць яго машына, і пабег так хутка, што парваў сухажылле. Дзіўны пацярпелы па справе Аўтуховіча
Па справе Аўтуховіча пацярпелымі праходзяць некалькі міліцыянтаў. Ніхто з іх на суд не ходзіць. Затое пасяджэнне наведваў іншы нечаканы пацярпелы.
Аўтуховіча «з паплечнікамі» вінавацяць у падпале дома і машыны ў Ваўкавыску ў кастрычніку 2020 года і ў падрыве машыны ў Гродне ў лістападзе 2020. Абедзве машыны і дом належалі супрацоўнікам міліцыі.
Ніхто з пацярпелых міліцыянтаў на суд не ходзіць. Вядома, што ў першы дзень прыязджалі двое пацярпелых з Ваўкавыска, падпісалі паперу, каб разглядалі без іх і больш на працэсе не з’яўляліся.
Адзін з пацярпелых — жыхар Ваўкавыска Анатоль Кавалевіч. Ён падумаў, што гарыць яго машына, і пабег да яе так хутка, што пры гэтым парваў сухажылле на назе. Калі ж убачыў, што гарыць аўто суседа-міліцыянта, то, нягледзячы на траўму, змог перагнаць сваю машыну ў іншае месца.
Дзяржаўным тэлеканалам Кавалевіч расказваў, што яму пасля рабілі аперацыю і ён нейкі час хадзіў на мыліцах.
Цяпер Кавалевіч, як і гаспадары спаленых аўтамабіляў, таксама хоча кампенсацыю «за маральную і матэрыяльную шкоду».
Болей пра суд чытайце тут:
«Мы выйдзем шчыльнымі радамі». Падрабязнасці таго, што адбываецца на працэсе Аўтуховіча, уражваюць і вымушаюць задумацца
Цяпер чытаюць
Лукашэнка: Што творыцца ў краіне, у нас усе гэтую гусь круцяць10
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары