Padumaŭ, što haryć jaho mašyna, i pabieh tak chutka, što parvaŭ suchažylle. Dziŭny paciarpieły pa spravie Aŭtuchoviča
Pa spravie Aŭtuchoviča paciarpiełymi prachodziać niekalki milicyjantaŭ. Nichto ź ich na sud nie chodzić. Zatoje pasiadžeńnie naviedvaŭ inšy niečakany paciarpieły.
Aŭtuchoviča «z paplečnikami» vinavaciać u padpale doma i mašyny ŭ Vaŭkavysku ŭ kastryčniku 2020 hoda i ŭ padryvie mašyny ŭ Hrodnie ŭ listapadzie 2020. Abiedźvie mašyny i dom naležali supracoŭnikam milicyi.
Nichto z paciarpiełych milicyjantaŭ na sud nie chodzić. Viadoma, što ŭ pieršy dzień pryjazdžali dvoje paciarpiełych z Vaŭkavyska, padpisali papieru, kab razhladali bieź ich i bolš na pracesie nie źjaŭlalisia.
Adzin z paciarpiełych — žychar Vaŭkavyska Anatol Kavalevič. Jon padumaŭ, što haryć jaho mašyna, i pabieh da jaje tak chutka, što pry hetym parvaŭ suchažylle na nazie. Kali ž ubačyŭ, što haryć aŭto susieda-milicyjanta, to, niahledziačy na traŭmu, zmoh pierahnać svaju mašynu ŭ inšaje miesca.
Dziaržaŭnym telekanałam Kavalevič raskazvaŭ, što jamu paśla rabili apieracyju i jon niejki čas chadziŭ na mylicach.
Ciapier Kavalevič, jak i haspadary spalenych aŭtamabilaŭ, taksama choča kampiensacyju «za maralnuju i materyjalnuju škodu».
Bolej pra sud čytajcie tut:
«My vyjdziem ščylnymi radami». Padrabiaznaści taho, što adbyvajecca na pracesie Aŭtuchoviča, uražvajuć i vymušajuć zadumacca
Ciapier čytajuć
Stała viadoma, jak zatrymali byłoha kalinoŭca Maksima Ralko2
Kamientary