Сёння раніцай з тэрыторыі Беларусі абстралялі Чарнігаўскую і Жытомірскую вобласці
Па Чарнігаўскай і Жытомірскай вобласці сёння раніцай з Беларусі нанеслі масавыя ракетныя ўдары.
У паведамленні аператыўнага камандавання «Поўнач» адзначаецца, што а пятай раніцы па Чарнігаўскай вобласці быў зладжаны масавы ракетны абстрэл. З тэрыторыі Беларусі з самалётаў і з зямлі выпусцілі 20 ракет па населеным пункце Дзясна.
Вядома пра руйнаванні аб’ектаў інфраструктуры, папярэдне без ахвяр.
Па наваколлі Жытоміра выпусцілі 24 ракеты з самалётаў, якія зайшлі з Беларусі. Пра гэта паведаміў Сяргей Сухамлін, кіраўнік горада.
Былі абстраляныя вайсковыя аб'екты вакол горада. У сам горад нічога не прыляцела.
«Лукашэнка пятляе перад Пуціным і сваёй арміяй, але сёння мы пабачылі пацвярджэнні таму, што і так вядома пра яго. Пабачылі, што Беларусь таксама бярэ ўдзел у вайне, як і РФ», — сказаў Сухамлін.
Кіраўнік абласной ваеннай адміністрацыі Віталь Бунэчка паведаміў, што адзін вайсковец загінуў, яшчэ адзін быў паранены. Па ягоных словах, па горадзе былі выпушчаныя 30 ракет.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары