Як стала вядома «Нашай Ніве», хлопца ў якога 21 чэрвеня страляў былы кіраўнік ГУБАЗіК Андрэй Паршын, адпусцілі са шпіталя. Ён не ў СІЗА, але следства працягваецца.
Здарэнне адбылося ў прэстыжным мінскім мікрараёне «Каскад». Каля свайго дома Паршын спрабаваў разагнаць групу дзяцей і падлеткаў (малодшаму ў кампаніі было 11 год), але атрымаў адпор ад 16-гадовага хлопца.
У адказ на прэтэнзіі мужчыны старэйшы з дзяцей, 16-гадовы Яўген Д., як кажуць сведкі, заявіў, што «яны жывуць у свабоднай краіне, і вольныя выбіраць лавачку».
У адказ на дзёрзкі тон, сцвярджае сведка, Паршын ударыў падлетка.
«Ухапіў за майку, разарваўшы яе адным рухам, даў хлопцу па твары. Але Яўген — кандыдат у майстры спорту па веславанні, спартовы хлопец. Ён знайшоў аргумент у адказ, у выніку чаго Паршын апынуўся на зямлі. Падняўшыся, пачаў шмаляць з пісталета па дзецях», — сказаў «Нашай Ніве» сведка.
У выніку раненне атрымаў той самы Яўген Д. Куля трапіла ў нагу.
Праўладны канал учора пацвердзіў: страляў у «Каскадзе» сапраўды Андрэй Паршын.
Чытайце таксама:
«Прафесійная дэфармацыя». Калегі Паршына дэталёва разабралі стральбу па падлетку
-
У мінскім парку Чавеса два дні будзе працаваць зіплайн — рэч са спускам на шалёнай хуткасці
-
Лукашэнка загадаў, каб былых сілавікоў, ратавальнікаў і дыпламатаў, звольненых «па дыскрэдытуючых», адсочвалі пяць гадоў
-
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам4
Каментары