Павел Севярынец склаў у няволі хрысціянскую віктарыну з 330 пытанняў
Пытанні Павел складаў цягам двух гадоў зняволення ў Мінску, Магілёве і Шклове.
Пра складзеную палітвязнем віктарыну паведаміла ў фэйсбуку яго жонка Вольга Севярынец.
«Ва ўсім кашмары, які навокал, я вынайшла для сябе формулу выжывання — не наракаць, маліцца, дапамагаць, рабіць, што можаш, і імкнуцца хоць кропкава змяніць тое, што не дае супакою», — напісала Вольга Севярынец.
«Думаю, што па такім жа прынцыпе дзейнічае і Павел. Сёння мы скончылі дапрацоўваць віктарыну, якую Паша складаў каля двух год, седзячы на Валадарцы, у Магілёве і Шклове.
330 пытанняў, 10 тэмаў — хрысціянская віктарына «Дрэва жыцця», прысвечаных вядомым людзям, падзеям, паняццям, а таксама беларусам, якія верылі ў Бога і змянялі гэтую краіну. З30 цікавых фактаў, пры чытанні якіх раз-пораз у галаве мільгае думка: «Нічога сабе!»
Цяпер мы пускаем віктарыну ў плаванне — як хлеб па водах. Па спасылцы яна будзе даступная для спампоўвання. Ведаю, што некаторыя цэрквы ўжо выкарыстоўвалі віктарыну для сваіх моладзевых служэнняў. У ідэале мы хочам стварыць з яе мабільную гульню. Мы ўпэненыя, што яна будзе карысная многім. Будзем чакаць і вашых ідэй па выкарыстанні.
Прайсці віктарыну можна па спасылцы.
Павел Севярынец быў затрыманы 31 мая 2020 года. У маі 2021 яго і яшчэ шэсць палітвязняў прысудзілі ад чатырох да сямі гадоў калоніі. Паўлу далі сем гадоў.
Падтрымаць Паўла Севярынца можна, напісаўшы па адрасе: ПК №17, 213004, г. Шклоў, вул. 1-я Заводская, 8, Павел Канстанцінавіч Севярынец.
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары