Вандалы зноў апаганілі мемарыял на месцы сталінскіх расстрэлаў на Аршаншчыне
Невядомыя вандалы ў чарговы раз спрабавалі зняважыць памяць расстраляных у трыццатыя гады на Кабыляцкай гары жыхароў Аршаншчыны. На гэты раз хтосьці наляпіў на мемарыяльную пліту стыкеры ў выглядзе «георгіеўскіх стужак» і вывесіў плакат з расійскім трыкалорам і зоркай, паведамляе Аршанскі рэгіянальны партал.
Гэта не першы выпадак вандалізму на месцы, дзе ў часы сталінскіх рэпрэсій расстрэльвалі людзей. Помнік знаходзіцца ў лясным масіве амаль на тым самым месцы, дзе знайшлі расстрэльную яму.
Адзначаецца, што фотапасткі, накіраваныя ў бок помніка, спрацавалі толькі аднойчы, калі дэмакратычныя актывісты праводзілі мерапрыемства па ўшанаванні загінулых.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны3
Каментары