Сабака штоночы прыходзіў да немаўляці для таго каб упэўніцца, што з ім усё добра. Гэтае ВІДЭА стала вірусным
Напэўна, усе ведаюць, што сабака — найлепшы сябар чалавека. Віруснае відэа, што на днях размясцілі ў тыктоку, пацвярджае гэтую ідэю.
Ролік з’явіўся на канале 4pawsand2feet, дзе бацькі расказваюць пра тое, як яны жывуць з маленькім дзіцёнкам і з сабакам. Відэа з'яўляецца запісам, зробленым на працягу некалькіх начэй, піша ofeminin.pl.
Блогеры зрабілі запіс з дапамогай камеры, размешчанай у дзіцячым пакоі, якая дапамагае ім пастаянна сачыць за немаўлём. У гэты раз камера дазволіла зафіксаваць незвычайныя і вельмі кранальныя паводзіны сабакі.
Бачна, што жывёла кожны дзень падыходзіла да ложку дзіцяці. Потым сабака абнюхваў малога і назіраў за ім, верагодна, каб упэўніцца, што з немаўлём усё добра. Пасля гэтага сабака або клаўся на падлогу і сачыў за дзіцём, або выходзіў з пакою.
Зараз ролік мае на тыктоку амаль 11,5 мільёнаў праглядаў, больш за мільён лайкаў і амаль 5,5 тысяч каментароў. Большасць інтэрнэт-карыстальнікаў у захапленні ад любові і клопату, якія сабака праяўляе ў дачыненні да самага малога члена сям’і.
Некаторыя карыстальнікі пішуць у каментарах, што іх хатнія жывёлы паводзяць сабе падобна да сабакі з роліка. Людзі адзначаюць, што праз такія паводзіны сабакі заслугоўваюць як мага лепшага стаўлення да сябе — магчыма, як да членаў сям’і.
«Прачытала верш на ферме — і атрымала 200 тысяч лайкаў». Беларуска з вёскі стала сапраўднай зоркай тыктока
Тыкток з беларускім смакам: сабралі для вас падборку цікавых айчынных каналаў, за праглядам якіх можна бавіць вечары
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў13
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары