«Аленка, яны мяне забіваюць!» Палітвязня Гундара прывялі ў суд у адных трусах і прыкавалі да клеткі
Уладзімір Гундар праходзіць у «справе Аўтуховіча» аб «тэрарызме».
«Суд пачаўся сёння з жаху, — распавяла BPN ягоная жонка Алена Гундар. — Заходзім з адвакатамі, а Валодзя распрануты да майткоў і прыкаваны да клеткі. Рукі разведзеныя максімальна. Ён мяне пабачыў і крыкнуў: «Паглядзі, Аленка, яны мяне забіваюць!»
Паводле яе слоў, адвакат падбегла і папрасіла аслабіць кайданкі, але ніхто не адрэагаваў.
Уладзімір Гундар абвесціў сухую галадоўку.
Ён таксама звярнуўся да суддзі Філатава: «Я ведаю, ты забіў майго сябра, дык забі і мяне, страляй». Філатаў судзіў таксама палітвязня Вітольда Ашурка, які пасля загінуў у калоніі.
Пасля пачатку пасяджэння актывіст грымеў кайданкамі, спяваў гімн БНР.
Калі ён закончыў, Філатаў выдаліў яго з залі суда.
Уладзімір Гундар — баранавіцкі афганец, інвалід другой групы. Яго абвінавачваюць у стварэнні злачыннай арганізацыі і замаху на захоп улады.
Чытайце таксама:
«Мы выйдзем шчыльнымі радамі». Падрабязнасці таго, што адбываецца на працэсе Аўтуховіча, уражваюць і вымушаюць задумацца
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары