Аўстралійскі генерал: HIMARS памяняў характар баёў, але адзін ён не справіцца
Аўстралійскі генерал-маёр у адстаўцы і ваенны эксперт Мік Раян патлумачыў, чаму адныя сістэмы HIMARS не змогуць памяняць ход вайны. Ён адзначае, што гэтыя рэактыўныя ўстаноўкі сапраўды неверагодныя, але іхні ўплыў на ход вайны не варта пераацэньваць.
Амерыканскае РСЗА створана для удараў у тылы ворага для знішчэння:
- камунікацыйных вузлоў
- камандных пастоў
- аэрадромаў
- важных лагістычных камунікацый
Украінскія вайскоўцы ў большасці выпадкаў знішчаюць расійскія склады боепрыпасаў. Такім чынам, УСУ вярнуліся да тактыкі асіметрычнага адказу на дзеянні УС РФ пасля адмовы ад барацьбы на знясіленне на Данбасе.
Армія зноў атакуе слабыя месцы расійскіх войскаў — чыгунку, генералаў і празмерную залежнасць ворага ад масіраванага выкарыстання артылерыі. Вельмі высокадакладныя ракеты, якімі вядуць стральбу УСУ, дазваляюць мінімізаваць пабочную шкоду пры далёкіх атаках на расійскія цэлі, размешчаныя паблізу грамадзянскіх аб'ектаў.
Таксама ваенныя эксперты ўжо жартуюць, што найгоршая пасада ў расійскай арміі цяпер — гэта грузчык боепрыпасаў на складзе матэрыяльна-тэхнічнага забеспячэння. Гэта таксама мае псіхалагічнае ўздзеянне.
Цяпер значна большая частка ўварвання расійскіх сілаў трапляе ў радыус, які можна атакаваць. Яны асабіста бачаць уплыў HIMARS ў сацыяльных сетках і разумеюць, што з імі будзе.
УСУ могуць цяпер наносіць ўдары, якія раней былі недаступныя з-за расійскіх сістэм СПА. Гэта дазваляе ваяваць Украіне так, як ёй хочацца, а не праз знясільваючыя баі, якім аддаюць перавагу ВС РФ. Таму HIMARS будуць на першым месцы ў спісе цэляў для расійскіх ракет і Ваенна-касмічных сілаў.
Аднак, як піша эксперт, нягледзячы на эфектыўнае выкарыстанне РСЗА, HIMARS — гэта не цуд-зброя, якая зменіць ход вайны.
З часоў першай прамысловай рэвалюцыі існавала тэндэнцыя шукаць адзіны тэхналагічны цуд, які дапаможа выйграць вайны, але гэта міраж.
Адзін HIMARS не дазволіць выйграць вайну Украіне. Амерыканскія РСЗА — гэта «доўгая рука» для нападаў па УС РФ. Але на вайне не існуе адзінай зброі, здольнай стаць вырашальнай.
Таму Захад павінен і далей пастаўляць зброю, боепрыпасы, разведвальныя звесткі, навучаць байцоў УСУ і аказваць усе іншыя формы падтрымкі, неабходныя Украіне.
«Вайсковыя сілы — гэта складаная структура, якім патрабуецца мноства розных магчымасцяў, аб'яднаных па функцыях, радыусе дзеяння, часу і ўздзеяння.
HIMARS — гэта ўсяго толькі адзін пласт, хоць і жыццёва важны, у агульным нацыянальным і вайсковым патэнцыяле, які Украіне патрэбен для перамогі ў гэтай вайне», — рэзюмуе Раян.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ27
Каментары