Памёр адзін з лідараў гарадзенскіх сацыял-дэмакратаў і выкладчык нямецкай мовы Міхась Патрэба. Яму было 77 гадоў. У апошнія гады ён меў праблемы са здароўем і пакутаваў на дэменцыю.
Гэта адбылося 23 ліпеня. Спадар Патрэба выкладаў у Гродзенскім універсітэце імя Янкі Купалы, у 1990-я гады неаднойчы вылучаўся ў дэпутаты ад дэмакратычных сіл. Напісаў кнігу «Нацыянальная ідэя і сацыял-дэмакратыя», паведамляе «Белсат».
У апошнія гады меў праблемы са здароўем і пакутаваў на дэменцыю.
Міхась Патрэба нарадзіўся ў 1945 годзе ў вёсцы Падчарнейкі (каля Белавежскай пушчы). Актыўна супрацоўнічаў з Гродзенскай асацыяцыяй ахвяраў сталінскіх рэпрэсій. Уклаў кнігу ўспамінаў рэпрэсаванай беларускай інтэлігенцыі «Ніколі болей». Доўгі час працаваў над вялікім нямецка-беларускім слоўнікам.
У 1980-я гады за незалежніцкія погляды яго звольнілі з універсітэта. Патрэба прайшоў усе суды, дайшоў да Вярхоўнага і здолеў аднавіцца на працы.
Пахаванне спадара Міхася адбудзецца заўтра ў Гродне. Развітацца з ім можна будзе з 12-й гадзіны ў каплічцы на могілках на Антонава.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў6
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1313
Каментары