Затрыманы лідар АГП Мікалай Казлоў, ідуць масавыя ператрусы ў іншых партыйцаў
Сярод тых, да каго прыйшлі а 7-й раніцы, у прыватнасці, старшыня Мінскай гарадской арганізацыі Аб'яднанай грамадзянскай партыі Аксана Аляксеева, паведамляе «Вясна».
«Апрычнікі абралі Дзень прыняцця Дэкларацыі аб незалежнасці для чарговых зачыстак. Затрыманы Мікола Казлоў — лідар АГП. Пагрукаліся і да іншых чальцоў партыі. Наступ на апошнюю арганізаваную выспу супраціву пачаты. Гэта вайна», — напісаў у Фэйсбуку былы кіраўнік Аб'яднанай грамадзянскай партыі Анатоль Лябедзька.
Таксама затрымана старшыня Мінскай гарадской арганізацыі АГП Аксана Аляксеева. Да яе прыйшлі а 7 раніцы, паведамляюць праваабаронцы «Вясны».
55-гадовы Мікалай Казлоў працаваў падпалкоўнікам міліцыі, 17 гадоў адпрацаваў у крымінальным вышуку. У 2008 годзе яго паслалі ахоўваць выбарчы ўчастак на Нямізе, і ён стаў сведкам, як старшыня ўчастковай камісіі Аляўціна Гладкая і намеснік старшыні Аляксей Пятніца ўвайшлі ў апячатаны пакой і ўкінулі ў скрыню для галасавання пачкі бюлетэняў. Казлоў, які да таго не ўяўляў сабе, што лукашысты фальсіфікуюць выбары, напісаў пра гэта рапарт начальству, а калі захадаў ніхто не зрабіў, паведаміў у незалежную прэсу. Казлова прасілі адклікаць рапарт, каб замяць справу, але ён праявіў прынцыповасць і пайшоў у запас.
У 2012 годзе ўступіў у Аб’яднаную грамадзянскую партыю, у ліпені 2016 года абраны намеснікам старшыні партыі.
4 мая 2021 года Аляксандр Лукашэнка, помсцячы, адняў у Казлова званне падпалкоўніка запасу. Казлоў быў палітзняволеным: яго абвінавацілі ў «разгалошванні даных» па крымінальнай справе супраць Каардынацыйнай рады. Пракурор Вадзім Лалуа і суддзя Таццяна Шоцік аформілі рашэнне адправіць яго за краты.
У зняволенні Казлова тры месяцы пратрымалі ў адзіночнай камеры. Каб не страціць навык размаўляць, ён уголас сабе чытаў, расказваў ён у інтэрв'ю.
Чытайце таксама: Старшыня АГП Мікалай Казлоў пасля выхаду на волю: З'язджаць з Беларусі не збіраюся
«Канапацкая хлусіць!» Мікалай Казлоў шчыра расказвае пра палітыку, грошы і сваю працу ў міліцыі
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
-
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»2
Каментары