Паглядзіце на чырвоныя лініі на малюнку: яны прамыя ці крывыя?
Гэтая аптычная ілюзія дапаможа вам праверыць свой зрок і здольнасці да назірання. Уважліва паглядзіце на яе і скажыце: ці з’яўляюцца чырвоныя лініі на ілюзіі крывымі?
Аптычныя ілюзіі — гэта складаныя для разумення малюнкі або выявы нейкіх аб’ектаў ці з’яў, якія выглядаюць па-рознаму ў залежнасці ад таго, з якога ракурсу іх разглядаць. Існуюць розныя віды аптычных ілюзій: фізічныя, фізіялагічныя і кагнітыўныя, расказвае jagranjosh.com.
Аптычныя ілюзіі — гэта не проста цікавыя малюнкі. Яны яшчэ і вывучаюцца ў псіхааналізе, бо дэманструюць тое, як па-рознаму людзі ўспрымаюць свет. Добры прыклад гэтага — ілюзія, якую мы вам сёння паказваем.
Гэта так званая ілюзія Герынга, першую версію якой стварыў у 1861 годзе нямецкі фізіёлаг Эвальд Герынг. Яна сумяшчае ў сябе размытыя лініі і затрымку ў нашым успрыманні інфармацыі. Калі ж мы бачым такія размытыя лініі, як на гэтай ілюзіі, наш мозг успрымае гэта як прыкмету таго, што нешта рухаецца.
Паглядзіце ўважліва на ілюзію і на чырвоныя лініі на ёй. Яны прамыя ці крывыя? Адказ і тлумачэнне ілюзіі шукайце пад анонсамі.
Каляровае ці чорна-белае? Гэтае ФОТА вас збянтэжыць
Аптычная ілюзія: гэтага ката пабачаць толькі тыя, хто ўмее мысліць нестандартна
Вядома, насамрэч чырвоныя лініі прамыя і паралельныя. Але тое, што шэрыя лініі рухаюцца ў кірунку цэнтра, прымушае лічыць, што чырвоныя насамрэч крывыя, бо мозг спрабуе прадказаць траекторыю на аснове руху шэрых ліній. Чырвоныя лініі — прамыя і паралельныя, але ж фон прымушае ўспрымаць іх па-іншаму.
Гэта складаная аптычная ілюзія, бо ў ёй сумяшчаецца і змена формы, і змена колеру. Звычайна мозгу цяжка аддзяляць адзін ад аднаго розныя колеры, якія блізкія ў спектры.
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй2
Каментары