У Маладзечанскім раёне ў госці да пенсіянера прыйшоў участковы. Ён звярнуў увагу на «дзіўны фізічны стан пенсіянера»: па вонкавых прыкметах ён знаходзіўся ў стане ап'янення. Міліцыянта гэта збянтэжыла, ён зазірнуў у цяпліцу і ўбачыў, што акрамя гародніны пенсіянер вырошчвае яшчэ і каноплі.
Усяго аператыўнікі наркакантролю налічылі 44 кусты канабісу. А яшчэ побач знайшлі скрыню з ужо гатовым «зеллем», у якім было амаль 130 грамаў марыхуаны, паведамляе абласная міліцыя.
Пенсіянер не стаў адпірацца і распавёў, што вырошчваў каноплі для сябе.
У міліцыі адзначылі, што раней дзядуля ўжо прыцягваўся па 328-м артыкуле КК, тады яму далі паўтары гады «хатняй хіміі». Цяпер таксама заведзеная крымінальная справа.
-
«Я еў велізарныя сэндвічы з крэветкамі за адным сталом з КДБ». Столтэнберг распавёў, як у 1991 годзе спрабаваў завербаваць савецкага агента
-
Былы нямецкі міністр схуднеў на 30 кілаграмаў і адправіў вопратку ва Украіну
-
Серыяльныя забойцы: справу братоў Менэндэс 35-гадовай даўніны разгледзяць зноў з-за серыяла Netflix
Каментары