Кожны дзясяты беларускі настаўнік ужо дасягнуў пенсійнага ўзросту, доля пенсіянераў сярод іх складае 9,5%. Пра гэта заявіў міністр адукацыі Андрэй Іванец.
Сам ён нічога страшнага ў гэтым не бачыць, а наадварот, лічыць такую сітуацыю аптымальнай:
«Маладое пакаленне, маладыя спецыялісты, якія прыходзяць працаваць у школы, маюць патрэбу ў настаўніцтве, і хто, як не тыя педагогі, якія ўсё жыццё адпрацавалі ў адукацыі, могуць перадаць гэты вопыт. Гэта добры сплаў маладосці і вопыту», — запэўніў міністр, адзначыўшы, праўда, што нібыта «ў краіне адбываецца паступовае амаладжэнне педагагічнага складу».
Сёлета выкладаць у школах пачалі звыш 5,8 тысячы выпускнікоў педагагічных ВНУ. Акрамя гэтага, цэлы год адпрацавалі па спецыяльнасці тыя, хто спачатку вучыўся ў педагагічных класах, а затым паступіў у профільную ВНУ.
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам8
Каментары