Пракурор запрасіў па справе праваабаронцы Марфы Рабковай і яшчэ 9 палітвязняў 94 гады на ўсіх
Журналістка Яўгенія Доўгая ў сваім тэлеграм-канале са спасылкай на ліст палітвязня Акіхіры Гаеўскага-Ханады паведаміла, якія тэрміны запрасіў пракурор па справе праваабаронцы «Вясны» Марфы Рабковай і яшчэ дзевяці палітвязняў. Агулам на ўсіх — 94 гады пазбаўлення волі.
Закрыты суд па гэтай гучнай справе ідзе з красавіка, на лаве падсудных дзесяць палітзняволеных — каардынатаркай Валанцёрскай службы «Вясны» Марфа Рабкова, валанцёр Андрэй Чапюк, палітзняволеныя актывісты анархісцкага руху Акіхіра Гаеўскі-Ханада, Аляксандр Францкевіч, Аляксей Галаўко, Аляксандр Казлянка, Павел Шпетны, Мікіта Дранец, Андрэй Марач, Даніла Чуль. Агулам, у гэтай справе фігуруюць 10 артыкулаў Крымінальнага кодэкса, а матэрыялы крымінальнай справы складаюць 160 тамоў.
Следства сцвярджае, што з 2005 па 2020 год неўстаноўленыя асобы пры ўдзеле 31-гадовага анархіста Аляксандра Францкевіча і 26-гадовай праваабаронцы Марфы Рабковай аб'ядналі «шэраг арганізаваных злачынных груп»: «Рэвалюцыйнае дзеянне», «Народная самаабарона» і «Революційна дія». Гэтыя аб'яднанні, па версіі следства, увайшлі ў склад «міжнароднай злачыннай арганізацыі» у якасці яе структурных падраздзяленняў. Францкевіч і Рабкова нібыта, як сцвярджае следства, былі арганізатарамі падпалу падатковай інспекцыі Гомельскага раёна ў сакавіку 2017 года з выкарыстаннем «кактэйляў Молатава».
Пракурор запрасіў для падсудных:
- Аляксандр Францкевіч — 17 гадоў;
- Акіхіра Гаеўскі-Ханада — 16 гадоў;
- Марфа Рабкова — 15 гадоў;
- Аляксей Галаўко — 12 гадоў;
- Павел Шпетны, Мікіта Дранец, Аляксандр Казлянка, Андрэй Чапюк — па 6 гадоў;
- Андрэй Марач, Даніла Чуль — па 5 гадоў.
Прысуд па гэтай справе заўтра ў Мінгарсудзе а 15-й гадзіне агучыць суддзя Раман Бізюк.
Чытайце таксама:
Пачаўся суд над праваабаронцай Марфай Рабковай і яшчэ 9 палітвязнямі. Іх вінавацяць па 10 артыкулах Крымінальнага кодэкса
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім5
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары