Журналістка Аліна Коўшык развітваецца з «Белсатам» пасля 15 гадоў працы.
«Гэтая праца навучыла мяне не паддавацца, быць мегаадказнай, ствараць каманды і даводзіць ідэі да канца. Жыць на адрэналіне, як у жывым эфіры, і самааддана працаваць», — напісала ў фэйсбуку тэлевядучая.
Аліна Коўшык расказала «Нашай Ніве», што «сышла па пагадненні бакоў з уласнай ініцыятывы».
Дзяліцца сваімі планамі тэлевядучая пакуль не стала.
«У хуткім часе змагу паведаміць усе дэталі», — адказала яна.
Аліна Коўшык была вядучай міжнароднай праграмы «ПраСвет», аўтаркай ідэі першага кулінарнага шоу на Белсаце «Я не буду гэта есці».
Раней яна таксама працавала ў «Аб'ектыве» і «Студыі Белсат». У праграме «54%» паказвала свет вачыма жанчын.
Коўшык таксама з'яўляецца сузаснавальніцай Цэнтра беларускай салідарнасці ў Варшаве.
Чытайце таксама:
«Ведаю, што сустрэну сваё каханне, калі прыйдзе час». Чым цяпер жыве паэт і тэлевядучая Валярына Кустава
6 беларускамоўных ютуб-каналаў, якія вы маглі прапусціць
«Нічога не панятна, но так непрыятна». Слава Камісаранка апублікаваў свой першы стэндап на беларускай мове
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары