Паводле справаздачы, у перыяд з чэрвеня па верасень расійскія агенты стварылі больш за 60 вэб-сайтаў, якія імітуюць сапраўдныя навінныя сайты, у тым ліку брытанскі «The Guardian» і нямецкія «Der Spiegel» і «Bild».
Расія стварыла шырокую і складаную сетку вэб-сайтаў, якія выдаюцца за папулярныя СМІ. Гэтую сетку яна выкарыстоўвае для распаўсюджвання антыўкраінскай прапаганды праз фальшывыя акаўнты ў сацыяльных сетках.
Скрупулёзна падрыхтаваныя фальшывыя старонкі, галоўным чынам арыентаваныя на карыстальнікаў у Германіі, Францыі, Італіі, Украіне і Вялікабрытаніі, былі імітацыяй рэальных старонак, запазычваючы не толькі фармат і знешні выгляд рэальных сайтаў, але ў некаторых выпадках таксама фатаграфіі і назвы артыкулаў.
Расіяне выкарыстоўвалі гэтыя сайты для распаўсюджвання ілжывых наратываў — напрыклад, пра тое, што Украіна арганізавала забойства мірных жыхароў у Бучы. А затым прасоўвалі гэтыя тэксты ў Facebook, Instagram, YouTube, Telegram, Twitter, Change.org, Avaaz і нават LiveJournal.
Агулам Facebook і Instagram выдалілі амаль 2 тысячы акаўнтаў, больш за 700 старонак і выявілі каля 105 тысяч рэкламных допісаў. У той час, калі Facebook і Instagram працавалі над выдаленнем расійскай дэзынфармацыйнай сеткі, усё больш і больш старонак працягвалі з'яўляцца.
«Гэта сведчыць пра настойлівасць і пастаянныя інвестыцыі ў дзейнасць на прасторы інтэрнэту», — заявіў у інтэрв'ю журналістам дырэктар Meta па супрацьдзеянні глабальным пагрозам Давід Аграновіч. У некаторых выпадках допісы рэкламаваліся афіцыйнымі расійскімі дыпламатычнымі акаўнтамі.
Аднак у той час як вэб-сайты рабіліся з належнай руплівасцю, фальшывыя акаўнты часта ствараліся паспешліва, гаворыцца ў справаздачы. Многія з іх былі выяўленыя аўтаматызаванымі сістэмамі кампаніі яшчэ да таго, як Meta пачала расследаванне. «Гэта сапраўды выдатнае спалучэнне вытанчанасці і грубай сілы», — лічыць Аграновіч.
-
Еменскія хусіты захапілі стратэгічныя астравы Баб-эль-Мандэбскага праліва. Адзін з найбуйнейшых гандлёвых шляхоў фактычна апынуўся пад кантролем баевікоў
-
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі
-
Кіраўнікі Шатландыі, Уэльса і Паўночнай Ірландыі аб'ядноўваюцца для выхаду са складу Вялікабрытаніі
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс20
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1414
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі14
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары