Чатырох супрацоўнікаў «Белагра» затрымалі па крымінальных артыкулах
Чатырох супрацоўнікаў кампаніі «Белагра», па інфармацыі аднаго з праўладных каналаў, затрымалі за крымінальныя правапарушэнні. Іншых супрацоўнікаў кампаніі, колькасць якіх не называецца, нібыта затрымалі па адміністрацыйных артыкулах.
Праваабаронцам сталі вядомыя прозвішчы затрыманых супрацоўнікаў «Белагра». Гэта Кірыл Малянтовіч, Дзмітрый Левянкоў, Людміла Гецман, Арцём Зубракоў.
На відэа сілавікоў затрыманыя кажуць, што працавалі ў «кампаніі «Белагра», якая ў 2020 годзе падтрымала пратэсты». Адзін з іх распавядае, што сілавікі знайшлі «дзікарослыя каноплі».
29 верасня ў офісе кампаніі «Белагра» прайшоў ператрус. Быў затрыманы супрацоўнік Кірыл Малянтовіч.
Каментары