Тэлеканал «Гродна Плюс» выпусціў пакаянны зварот у сувязі са згадкай у сваім эфіры Юрыя Дудзя
Пра папулярнага расійскага вядучага і блогера згадалі ў эфіры 11 кастрычніка ў перадачы «Асоба дня», у якой расказваецца пра дзеячаў, якія ў гэты дзень нарадзіліся. Паводле рэдакцыі, у эфір трапіў архіўны запіс за 2019 год, а з 2020 года «ідзе гаворка толькі пра савецкіх і беларускіх» дзеячаў, якія «не маюць дачынення да антыдзяржаўных поглядаў».
«Рэдакцыя не падзяляе поглядаў дадзенага героя, якія ярка выказаліся ў дачыненні да нашай краіны пасля 2020 года. Мы дзякуем нашым тэлегледачам за пільнасць. Падобная інфармацыя не мае месца быць у эфіры дзяржаўнага тэлеканала», — каецца перапалоханая рэдакцыя.
«Інжынер відэамантажу, якая дапусціла такое ў эфір, пакараная», — гаворыцца ў паведамленні.
Выглядае, што супраць згадак у дзяржаўным эфіры «непажаданых асоб» пачалася цэлая кампанія. Учора СМІ стала таксама вядома пра звальненне трох супрацоўнікаў гомельскай дзяржаўнай радыёстанцыі. Па словах сябра аднаго з іх, гэта адбылося таксама з прычыны згадкі ў эфіры Юрыя Дудзя.
Чытайце таксама:
У Гомелі звольнілі «за палітыку» некалькіх супрацоўнікаў дзяржаўнага радыё
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары