Ракетныя батарэі СПА Crotale, якія Францыя рыхтуецца адправіць ва Украіну, будуць асабліва карысныя ў барацьбе з беспілотнікамі і супраць бамбардзіровак з паветра. Пра гэта міністр абароны Себасьцьен Лекарню заявіў у інтэрвію Le Parisien.
У Францыі 12 такіх батарэй, сказаў міністр. Ён не ўдакладніў, колькі з іх адправяць Украіне, але заявіў, што пастаўка будзе «важнай для таго, каб яны маглі абараніць сваё неба».
Crotale — ЗРК малой далёкасці, прызначаны для барацьбы з паветранымі цэлымі на сярэдніх, малых і самых малых вышынях з далёкасцю стральбы 500-10 000 метраў.
На гэтым тыдні стала вядома, што Украіна атрымала ад Германіі першую з абяцаных чатырох установак сістэмы супрацьпаветранай абароны IRIS-T SLM. Такой сістэмы няма пакуль на ўзбраенні нават у самой нямецкай арміі.
Акрамя таго, Францыя пашырыць праграму навучання ўкраінскіх вайскоўцаў. Да дзвюх іх тысяч будуць размешчаныя ў вайсковых часцях у Францыі, чаргуючыся для праходжання тыднёвай баявой падрыхтоўкі, у тым ліку для навучання на абсталяванні, якое забяспечвае Францыя.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары