Служба бяспекі Украіны запрасіла сустрэчу з беларускімі калегамі. Пра гэта Аляксандр Лукашэнка заявіў журналістам на агульнавайсковым палігоне Абуз-Лясноўскі ў Брэсцкай вобласці.
«Павінен прыадчыніць сакрэт, інсайд: гэта ж СБУ два дні таму папрасіла аб сустрэчы нашых спецыялістаў. Я кажу: добра, давайце сустракацца, якія пытанні», — заявіў Лукашэнка.
Пра што супрацоўнікі Службы бяспекі Украіны хочуць пагаварыць з супрацоўнікамі Камітэта дзяржаўнай бяспекі Беларусі, ён не сказаў.
Лукашэнка падкрэсліў, што самыя галоўныя тэмы абмяркоўваюцца заўсёды ў непублічнай плоскасці. «Гэта я па сваім характары… мяне часта крытыкуюць: так, можа быць, не трэба было пра гэта казаць. Я адкрыты. Вось тое, што я кажу, яно так і ёсць. Ніякага падману», — адзначыў ён.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары